LEGAZPI CITY – Isinairarom kan Municipal Health Office (MHO) Camalig sa training on food safety and sanitation an mga food handlers sa banwaan..
Pinangenotan ini ni Dra. Jennifer Lapus, an namamayo sa nasambitang opisina.
Presente sa aktibidad si Water Sanitation and Hygiene (WASH) Provincial Coordinator, Engr. William Sabater, kun sain iniheras niya an saiyang eksperyensya asin mga ideya sa food sanitation, pati na man an tamang pagpreparar asin pagkapot ki pagkaon nganing maibetaran an kontaminasyon na posibleng magkawsa nin foodborne illnesses sa mga kostumer.
Mientrastanto, tinawan-duon man ni Mayor Caloy Baldo an importansya kan pagkakaigwa nin kaaraman dapit sa seguridad sa pagkaon asin nutrisyon.
