NAGAPANGHINAUT ang labaw sa Comelec Gensan nga wala na kini madawat nga mga reklamo may kalabotan sa premature campaigning human sa Candidates Briefing and Covenant Signing milabay nga September 14 2023.
Sumala kay City Comelec Officer Atty. Sharmaine Papandayan Garangan nga makasawa usab nga kanunay kini makadawat og reklamo unya magsigi pod sila sa pagpadala og notice sa mga kandidato, mas maayo daw kon sundon nalang sa mga aspirants sa mga position sa Sangguniang Kabataan ug sa Barangay Elections ang mga balaud sa piniliay.
Usa sa pangutana sa kandidato nga incumbent,nga makonsidera ba gihapon nga Campaign Materials ang daan na nila nga posters o tarpulin sa ilang mga programa sa barangay, ang tubag sa Comelec nga apilon nalang kini sa pagtangtang kay adunay nawong og pangalan sa mga Incumbent Barangay Officials. I Ver Diazon
