Gikatakdang ipailalom sa otopsiya ang nakaplagang patay’ng lawas sa lalaki nga naglutaw sa may coastal road.
Una niini, nakadawat og report ang Sta. Ana Police Station gikan sa opisina sa Brgy. Gov. Duterte, Agdao, nga dunay nakaplagang patay sa nasangpit nga lugar pasado alas-6:00 kaganihang buntag.
Sa imbestigasyon sa kapulisan, gibutyag sa usa ka Alvin Buscagan Bansale, Brgy. Police, nagpahigayon sila og monitoring sa coastal road anang buntag ug mao na lamang ang ilang nakita ang patay’ng lawas nga naglutaw daplin sa dagat sa wala ilhing lalaki nga wa nay sapot, gibana-banaan nga nagpangidaron kini og 40-45 anyos, anaa sa 5’5 ngadto sa 5’6 ang gitas-on ug ang lawas nga anaa sa state of decomposition.
Padayon ang gihimong imbestigasyon sa mga personahe sa Sta. Ana Police Station aron nga mailhan ang maong biktima nga anaa na sa Angel Funeral Homes.BNFM-DAVAO
