Malipayon ang mga registered fisherfolks sa banwa sang Pilar kag Panay matapos nakabaton man sang food packs halin sa Task Force Pagdumdum sang damlag lang.
Ang banwa sang Pilar ang may yara sang 513 ka mga benepisyaryo samtang 550 naman ang sa banwa sang Panay.
Nahibaluan nga tuman gid nga naapektuhan sang red tide ang mga fisherfolks sa probinsya sang Capiz.
Ang pagpanagtag sang ayuda ang isa ka inisyatibo ni Governor Fredenil Castro kag nagpahayag ini nga luyag niya bag-uhon ang pagpati sang mga Capisnon nga madumduman lamang sila sang gobyerno sa tion sang eleksyon, kag gusto niya ipaabot sa mga pumuluyo nga samtang yara siya, indi gid mahimo nga malimtan kag mapabay-an ang probinsya sang Capiz kag ang tanan nga Capisnon.
Nangin kaupod man sa pagbulig sang Task Force Pagdumdum ang Gerry Roxas Foundation nga ginrepresentar ni Paolo Roxas, anak ni anay Senador kag DILG Secretary Mar Roxas.
