Nabisto ang usa ka lab-asera sa iyang pagpanikas sulod sa mercado publiko sa dakbyaan sa Oroquieta karong hapon lamang.
Giila ang nadakpan nga si Alyas Rose, 44 anyos residente sa Plaridel Misamis Occidental.
Gipangunahan ang maong kalihukan sa buhatan sa CEEDO, diin nasuta niini nga ang timbangan sa usa ka lab-asera misubra sa pila ka gramo, og wala pa kini sticker sa karong tuiga. Nakalapas sa Ordinansa nga 49-2000, nga gipatuman sa lokal nga kagamhanan, o mas naila sa “Defective” og “Weighing Scale”.
Ang maong nakalapas sa ordinansa, gilayong miadto sa buhatan sa SOCD para makig atubang sa head nga si Archie Ajias alang sa penalty niini.-END
