LEGAZPI CITY – Idinistribwer na kan lokal na gobyerno kan Camalig an nagkakatindad P2M na educational assistance para sa labi 600 na mga estudyante sa kolehiyo sa nasambit na banwaan.
Naidistribwer ini sa paagi kan Local Youth Development Office (LYDO) asin Public Employment Service Office (PESO) kun sain natawan nin P3,000 an lambang benepisyaryong estudyante hale sa manlain-laing unibersidad kolehiyo na residente kan naunambitang banwaan.
Segun kay Mayor Caloy Baldo, parte ini kan saindang mga lakdang nganing matawan sinda nin bastanteng suporta-pinansyal na makakatabang sa saindang mga pangangaipuhan sa pagklase siring kan allowance, pamasahe, tuition asin iba pa.
Obheto man su boot kan inisyatibong ini na mas mapakusog pa an sektor kan edukasyon sa lugar.
