Naharang sa Lasang Checkpoint ang usa ka laborer nga taga- North Cotabato nga misulay og pagpalusot og iligal nga droga sa syudad sa Davao.
Ang dinakpan nailang si Anthony Albarando Bajenting, 39, minyo, ug residente sa Bagontapay, M’lang, North Cotabato.
Sakay ang suspek sa Public Utility Bus, ug sa dihang pagkapkap sa otoridad, nakuhaan kini og pakete sa gituohang shabu nga gibana-banaan nga mutimbang sa 0.41 grams nga mubalor sa Php6,720.00.
Kasamtangan, balhug na sa Bunawan Police Station, samtang gihikay na ang kasong kalapasan sa RA 9165 kon Comprehensive Dangerous Drugs Act of 2002 ang atubangon sa suspek.
