Napag-kamalan lang umano ang fish vendor na nabaril- patay sa Sitio Lamoro, Brgy. Pasadeña, El Nido, Palawan noong nakalipas na Biyernes, ika- 8 ng Setyembre 2023.
Ayon kay El Nido PNP Commander PMAJ. BERMAR HERRERA sa Brigada, ito ang depensa sa pulisya ng suspek na si Gideon Sotabinto Ferido, isang negosyante matapos mabaril si Ramil Florida Ilagan, 39 anyos.
Dagdag ni Herrera, na base sa alegasyon ni Ferido ay sinugod umano siya ng kutsilyo ni Ilagan pero walang narekober na kutsilyo sa crime scene at wala ring testigo.
Gayunman, patuloy ang imbestigasyon ng pulisya sa pamamaril.
Kung matatandaan, dead on the spot ang biktima matapos na magtamo ng sugat sa tagiliran.
