Bastante ang bugas sa probinsya sang Capiz bangud madamo sa gihapon ang mga mangunguma kag suportado gid ang mga ini ni Governor Fredenil Castro pinaagi sa paghatag sang ayuda.
Ini ang ginkumpirma ni Board Member Cecilio Fecundo, Committee on Agriculture sang ma-interview sang Brigada News FM Roxas City.
Suno kay Fecundo, madamo sang programa si Governor Castro para sa mga farmers ilabi nga sa may mga asosasyon.
Matandaan nga nagdangat na sa minilyon nga financial assistance ang ginpanghatag sang nasambit nga gobernador sa mga mangunguma sa tagsa ka kabanwahanan sa bulig man sang Deparment of Agriculture. | Judy Ann Juare
