Apektado eon it mga shellfish vendors sa 3 adlaw nga haeos uwa eon it gina baligya nga mga shellfish dahil sa red tide sa pilang mga baybayon sa probinsy’t Akean.
Suno sa pilang mga vendors, nalisdan sanda dahil sa pilang mga gin akabue-an nga negosyo hay gin abawae it Bureau of Fisheries and Aquatic Resources (BFAR) particular eon sa New Washington, Altavas ag Batan.
Sa pantalan ag public market it New Washington, may una man nga mga isda ag shell fish nga gina baligya apang sangkiri eamang.
Kun matandaang pumaguwa it advisory ru BFAR nga ru mga isda, pusit, hipon ag alimango hay eowas nga kan-on it tawo basta limpyo ag presko.
Dapat sigun nga hugasan it mayad partikular ru anang mga kasudlan kapares it hasang ag tinae hay dapat nga bue-on.
Padayon man ru pag monitor it BFAR 6 ag iba pang concerned Local Government Units it mga shellfish growing areas para masigurado ru okaayong eawas it publiko agmaprotektahan ru fishery industry.//MARIVIC Y. ILIN
