PABILIN pang gitambalan sa Southern Philippines Medical Center (SPMC) ang tulo ka mga nasamdan human sa nahitabong karambola sa onse ka mga sakyanan sa Diversion road, Maa, ning syudad alas 11:50 kagahapon sa buntag.
Sa inisyal nga imbestigasyon sa Maa Police Station, gisubay sa mga sakyanan ang Diversion road padulong sa Norteng bahin apan sa dihang nagpondo ang mga saknayan gumikan sa kahuot sa trapiko, kalit na lamang nawad an og preno ang tractor nga gimaneho ni Felino Rabutan Decdican, 58 anyos nga taga- Prk 4, Mabunao, Panabo City hinungdan nga nadaro niini ang mga sakyanan sa iyang atubangan.
Gumikan sa kakusog sa impact, nagbinanggaanay ang tanang sakyanan nga gilangkuban sa Sedan nga gimaneho ni Gelberto Mocoy, 39, government employee nga taga-Champaca St., Mintal, HiNO tractor nga gimaneho ni Teodomero Puyos, 54, taga-Prk Nangka, New Bulatukan, Makilala, North Cotabato, Ertiga Wagon nga gimaneho ni Cecille Relova, 46, taga-Emerald St. Ellumina Subd. Buhangin, SUV nga gimaneho ni Saripali Pacaambung Usman, 52, nga taga- Purakan, Balabagan, Lanao del Sur, Hilux pick-up nga gimaneho ni MICHAEL PATRICK LABAYEN DIOSANA, 49, ngavtaga-Tupas Street, Gem Village, Ma-a, Bongo drop-side truck, gimaneho ni ALLAN ONGAY PABI, 47, nga taga- Sitio Narra, Kalubihan, Prime mover truck nga gimaneho ni ALLAN ESPANTALLION TINAJA, 36, nga taga-, Rangay, Banay-Banay Davao Oriental, kauban ang helper nga si CHRISTOPHER GALLEGO JR. 19, ngavtaga-Nabanturan, Magsaysay, Comval Province; Aluminum wing van truck gimaneho ni JERWIN CANTANAO ECHENIQUE, 28, sakay ang iyang asawa nga si VINA JAMANDRE ECHENIQUE, 27 ug anak nga si alyas KATH, 4, puros residente sa Pangatukan, Bukidnon; Dump truck ngabgimaneho ni JUNUARD PESTIN PAQUIAO, 29, nga taga- Purok Myna, San Pedro, Inawayan, Santa Cruz, Davao Del Sur; ug MITSUBISHI Xpander wagon nga gimaneho ni JO-AN BASALO ALABA, 46, taga-Purok 10-A, Tibungco, ning syudad.
Luwas na hinoon sa makuyaw nga kahimtang ang duha ka mga driver nga naipit sulod sa ilang sakyanan, apan pabilin pang gitambalan sa mga doktor ang asawa ug 4 anyos nga bata ingon man ang usa ka helper human nakaangkon og minor injuries sa nagkadaiyang bahin sa lawas.
Padayon sab ang follow -up imvestigation sa Maa Police Station kalabotan sa nahitabong disgrasya.
