Nakapagtala ng isang suspected election related incident ang Philippine National Police kaugnay ng paparating na Barangay and Sanggunian Kabataan Election.
Ayon kay PNP Spokesperson PCol. Jean Fajardo, ito ang pamamaril na nangyari sa Libon, Albay kung saan ang biktima ay isang punong barangay.
Nangyari ang insidente matapos niyang makapaghain ng Certificate of Candidacy para sa darating na eleksyon.
Ayon kay Fajardo, nagpapatuloy ang kanilang threat at risk assessment sa mga lugar na mayroong intense political rivalry.
Ito ay upang makapagdagdag ng mga pulis katuwang ang AFP para matiyak ang mapayapang pagdaraos ng eleksyon sa Oktubre.
