Nabuligan it MDRRMO-Numancia ru sangkay pasyente nga may posibilidad nga may kaso it dengue kahapon, Agosto 24.
Sa fb post it MDRRMO- Numancia, sangka tawag sa telepono ru nabaton it nasambit nga taeatapan halin sa sangka clinic sa Numancia rason nga eaging gin respondihan.
Nasayuran nga ru pasyente nga sangka 33 anyos nga eaeaki nga naka experiensya it maeaing pamatyag , naga buyog ru ueo ag masakit ru dughan rason nga eaging gin daea sa hospital.
Sa makaron, padayon pa nga gina monitor ru pasyente dahil sa mga nakitaang simtomas sa posibleng dengue.//MARIVIC Y. ILIN
