Patay ang isa ka menor de edad nga lalaki matapos ginaalegar nakuryente sa Barangay Matagnop, Dao, Capiz takna ala-1 kaina sang kaaganhon, Miyerkules, Agosto 16.
Ang wala na ginhingadlan nga biktima ang naga-edad sang 16-anyos.
Sandig sa inisyal nga impormasyon nga nakuha sang Brigada News FM Roxas City sa Dao Municipal Police Station, ginapahayag nga nakasalawig ang biktima sang live wire rason nga ini ang nakuryente.
Ginpadangat pa ang biktima sa hospital apang ini ang ginbawian sang kabuhi samtang ginabulong.
Sa karon, padayon pa ang imbestigasyon sang Dao PNP sa nasambit nga insidente. | Judy Ann Juare
