Arestado sang iya mismo nga kabaro ang isa ka pulis nga ginakabig nga Most Wanted Person matapos nga ginserbihan sang warrant of arrest sa banwa sang Panitan, Capiz.
Ang wala ginhingadlan nga akusado ang aktibo nga miyembro sang Philippine National Police kag nagapangatubang sang kaso nga Gender Based Online Sexual Harassment sa idalom sang Republic Act 11313 ukon “Safe Spaces Act”.
Sa karon nagapabilin ini sa kostudiya sang Panitan Municipal Police Station para sa nagakaigo nga disposisyon.//KMD
