Arestado ang duha ka persona sa pagbaligya sang indi lisensyado nga armas-luthang sa Sitio Kamatis, Barangay Poblacion, sa banwa sang President Roxas.
Ginkilala ang mga nagkaladakpan nga sanday Roel Pioquid, 53-anyos, residente sang Sitio Euscade, Barangay Badiangon kag John Alfred Caballero, 29-anyos, residente naman sang Barangay Cabugcabug sa nasambit nga banwa.
Narekober sa posisyon nanday Pioquid kag Caballero ang isa ka unit sang Caliber 5.56 M16 Armalite rifle, 43 ka mga bala kag P39,500 nga buy bust money.
Sa karon, nagapabilin sa kustodiya sang President Roxas PNP ang mga suspek kag natalana nga pasakaan sang nagakaigo nga panumbungon. | Judy Ann Juare
