Gipasalig sa Davao City Agriculturist’s Office o CAGRO nga ma-enjoy sa mga bisita/tursita sa syudad sa Davao nga misaksi sa Kadayawan 2023 ang kaabunda sa prutas labi na ang Durian dinhi sa syudad.
Kini bisan paman nga lower quality nga durian ang daghang available sa dakbayan.
Sumala pa ni CAGRO Head Edgardo Haspe, gumikan sa taas nga demand sa export-quality nga mga durian hinungdan nga lower quality ang daghang available sa pagkakaron.
Hinoon, gisiguro sa DA-CAGRO nga paigo ang supply sa Durian ug uban pang prutas sama sa rambuntan, mangosteen, lanzones ug uban pa.
Matag selebrasyon sa Kadayawan, usa ang kaabunda sa prutas, labi na ang Durian ang ikapasigarbo sa Davao alang ngadto sa mga mubisita atol sa festival.
