Binawi ni actress-beauty queen Herlene Budol ang desisyong magreretiro na ito bilang “beauconera” matapos hindi masungkit ang inaasam nitong korona sa mga nagdaang patimpalak.
Sa isang lie-detector test, tinanong si Hipon gurl kung sasali pa ba ito sa pageants, kung saan sinabi nitong “Oo ata.. Maybe.”
Paliwanag nitong temporary “signing off” lang ang kanyang paalam dahil wala pang kumukuha ng franchise sa sasalihan nitong international pageant na “Miss Tourism”, matapos makuha ang koronang “Miss Philippines Tourism” noong Hulyo.
Saad naman ni Budol na kung saka-sakali mang ilaban siya sa international pageant ay magpapapahinga muna siya sa pagsali pagkatapos nito upang makapag-train pa nang mas mabuti.
