Mayroon nang gintong medalya ang delegasyon ng Bicol Region sa Palarong Pambansa na kasalukuyang ginaganap sa Lungsod ng Marikina.
Ito’y matapos na magwagi sa event na Javelin Throw – Secondary Girls Category ang atleta mula sa Masbate Sports Academy (MSA) na si Bianca Gebilagiun.
Ayon sa DepEd Masbate, ang nasabing medalya rin ang kauna-unahang gintong medalya na nakamit ng MSA mula nang opisyal itong buksan taong 2021.
Pinapurihan naman ng Deped Region V ang kahanga-hangang performance ni Gebilagiun sa naturang sport.
