Arestado ang duwa ka persona matapos ginserbihan sang mga kapulisan sang warrant of arrest sa Barangay Daanbanwa, Tapaz, Capiz.
Ang mga wala na ginhingadlan nga persona ang nagapangatubang sang kaso nga paglapas sa Presidential Decree 1602 ukon Anti-Gambling Law.
Ang warrant of arrest ang ginpirmahan ni Judge Sebastino Baguio, Municipal Circuit Trial Court, Tapaz-Dumalag nga may petsa Hulyo 10, 2023.
Ginrekomendar sang korte ang tag-P30,000 nga piyansa sa kada akusado para sa ila temporaryo nga kahilwayan.
Sa karon, nagapabilin ang mga ini sa Tapaz PNP para sa nagakaigo nga disposisyon.
