Nag-angkon it nina sa parte it kaeawasan ru driver it motorsiklo sa banggan it motorsiklo ag jeep type nga saeakyan sa Brgy. Laguinbanua-West, Numancia, Aklan alas 6:49 kaina’t agahon.
Sa initial nga imbistigasyon, taga-Brgy. Dongon West, Numancia ru driver it motorsiko nga presenting gina bueong sa hospital.
Samtang, ru driver it jeep type nga saeakyan hay nakilaeang si Wilfred Belinario, sa legal nga edad ag residente it Numancia, Aklan.
Paadto konta it Kalibo ru motorisklo kat mag U-turn ru jeep rason nga nabangga ru motorsiklo.
Sa makaron, padayon pa ru imbistigasyn it Numancia MPS sa aksidente.//MARIVIC Y. ILIN
