Balik kulungan eon ru nakatakas nga preso it Aklan Rehabilitation Center (ARC) matapos maaresto sa banwa’t Kalibo kainang aga-aga.
Nakasakay sigun sa sangka saeakyan paadto sa Capiz ru nakatakas nga preso nga si Randy Fulgencio kat masikmo it Provincial Drug Enforcement Unit (PDEU), Aklan Trackers Team -Aklan Police Provincial Office (APPO) ag Kalibo MPS.
Eagi nga gin paidaeom sa medical check-up ru pugante ag sa makaron hay kulong sa Kalibo MPS.
Si Randy Fulgencio hay may kasongRobbery ag pag-eapas sa Republic Act 9165 o Comprehensive Dangerous Drugs Act of 2002.//MARIVIC Y. ILIN
