KALIBO, AKLAN—Ginpaeawig pa it daywang dominggo do pagpatupad it mas striktong Modified General Community Quarantine ukon MGCQ protocols sa probinsya it Aklan bangud sa padayon nga pagsaka it kaso it coronavirus disease.
Raya do ginkasugtanan sa ginpatigayon kahapon nga emergency meeting it Provincial Inter-Agency Task Force kung siin do implementasyon kara hay hasta sa Hulyo 6, 2021.
May kaangtanan kara, ginmanduan ni Aklan Governor Florencio Miraflores do tanan nga alkalde, DILG, PNP ag iba pang nagapatuman it laye nga mas hugtan do ginpatuman nga protocols sa probinsya kaibahan eon kara do border control points, liquor ban, curfew ag do pag-usoy it travel pass sa mga essential workers/travellers.
Nasayuran nga dapat hay hasta lang kunta sa Hunyo 23, 2021 do ginapatuman nga striktong MGCQ sa Aklan. // SHERRY ANNE REUNIR-VIDAL
