Mukabat sa kapin kon kulang 98 mil pesos kantidad sa gituohang shabu ang nakompiska sa usa ka 18 anyos nga ulitawo atol sa gikasang drug buy bust operation sa kapulisan sa Purok-12, Evergreen Street, Brgy. Santo Nino, Tugbok District, ning syudad.
Malampuson nga nadakpan ang suspek nga giilang si Jam-jam Hipolar Patiga, alyas Sadam, way trabaho ug residnete sa KM 8, Brgy. Matina Pangi, Talomo District ug gikonsiderang top 2 city level high value individual.
Nakompiska gikan sa posisyon sa dinakpan ang gibana-banaan nga nga mutimbang sa pito ka gramo sa gituohang shabu nga dunay street market value nga Php 98,000.00.
Kasamtangan, tingkagol sa bilangguan ang dinakpan samtang nag atubang sa kasong kalapasan sa RA 9165.
