Naantala ang nakatakdang pagbibigay ng mensahe Department of Justice (DOJ) Secretary Boying Remulla matapos nitong magpaalam para sa 10-day ‘wellness leave’ ngayong Lunes.
Si Remulla sana ang magbibigay ng mensahe sa isang DOJ-PNP event ngunit pansamantala na munang nag-take-over si Usec. Raul Vasquez.
Sa isang press statement, kinumpirma ng DOJ na magkakaroon ng ‘wellness leave’ si Remulla dahil sa mga ‘personal reasons’.
Tiniyak naman ng DOJ na hindi ito makaaapekto sa kanilang pang-araw-araw na trabaho’t tungkulin.
Nakatakda namang maging officer-in-charge si Vasquez habang naka-leave si Remulla.
Kung maaalala, napaulat ang pagpapa-check-up ni Remulla noong nakaraang lingo.
