Ginpatigayun ro ceremonial turnover it nabakae nga 5,000 nga drug testing kits sa Police Regional Office (PRO-6) sa Camp Gen Martin Teofilo Delgado, Fort San Pedro, Iloilo City, makarun nga adlaw it Lunes.
Ro madinaeag-on nga turn-over hay ginpangunahan ni PBGEN Sidney N Villaflor, Acting Regional Director it Police Regional Office 6.
Ro nabakae nga drug testing kits hay para magamit sa pagpatigayun it drug testing sa mga kapulisan it Police Regional Office 6.
Raya hay kabahin it tikang it PRO6 para mapabaskug ro kampaya kontra sa illegal nga droga ag para masiguro nga ro bilog nga hanay it PRO6 hay malimpyo ro integridad ag bukon it eakot sa iligal nga droga. // ANN DESLENE SALAZAR
