Nagadamo na ang luyag magpangapital ukon mag invest sa probinsya sang Capiz kag isa na diri ang mga Chinese bangud sa mga tikang nga ginahimo sang gobyerno probinsyal sang Capiz sa idalum sang administrasyon ni Governor Fredenil Castro.
Plano sa karon sang Chinese Seafood Trader nga si Si Kan Kiu nga magkuha sang suplay sang seafood diri sa probinsya pakadto sa pungsod China.
Personal niya nga ginlibot ang Capiz Fish Farms kaupod ang mga business partners nga sanday Mariana Go Uykimpang sang Filinvest, Rico Gonzales, Joselito Saddul kag Harriet Ong sang Pueblo de Panay.
Nagpadulong man sila sa banwa sang Sigma kun sa diin plano nila dire magtukod sang Solar Panel Farm.
Nagbisita man ang mga ini kay Gov. Castro kon sa diin nagpasiguro ang gobernador nga ang goberno probinsyal sang Capiz ang magahatag sang proteksyon sa ila bangud indi sini luyag nga sila ang maka-eksperyensya sang indi maayo sa probinsya. Nagpasalamat naman ang mga ini sa proteksyon nga gin tan-ay sang gobernador sa ila.
