Masadya nga ginbalita ni Governor Jose Enrique “Joen” Miraflores ro planong pagpatukod it Housing Project para sa mga Boracay workers.
Raya hay matapos ro madinaeag on nga ginpatigayun nga meeting it Aklan Provincial Government nga gin-representa ni Provincial Administrator Atty. Selwyn Ibarreta, Malay Mayor Fromy Bautista, Regional Director ng DHSUD, Pag-ibig Aklan ag HR Heads it mga hotel sa Boracay.
Suno sa Gobernador, sambilog eamang raya sa mga tikang nga amat-amat nga igapatuman bilang pagkilaea sa sakripisyo ag bulig it mga Boracay workers nga padayun nga nagatanyag it andang serbisyo sa industriya it turismo. // ANN DESLENE SALAZAR
