Gipaniguro sa Cagayan de Oro City Police Office nga mahatag sa pamilyang nagbangotan ang hustisya sa gipusil patay nga kandidato sa Mister Cagayan de Oro 2023 nga si Adriane Rovic Fornillos.
Gibutyag ni COCPO Spokesperson Police Lt. Col. Evan Viñas nga nagpadayon ang imbestigasyon sa kapolisan ilabi na sa paglakag sa gitumbok nga mastermind sa pagpamusil.
Subay niini padayon nga nakig-alayon ang kapolisan sa pamilya sa biktima.
Una nang gibutyag sa COCPO nga duna nay artist sketch sa gitumbok nga suspek sa pagpamusil sa nahisgutang biktima diin nahitabo kini sa 15 street Nazareth ning syudad.
