Naga kaagnas eon nga bangkay it eaeaki ru nakit-an sa gina dayunan nga panimaeay sa Sitio Carabao, Brgy. Busiw, Numancia, Aklan kahapon it agahon.
Base sa imbestigasyon it Numancia MPS, sangka 67-anyos nga lolo ru nakita ag residente it nasambit nga lugar.
Gina patihan nga inatake it hypertension ru biktima ag bangud sa may distansya ru mga kaiping nga panimaeay, uwa napan-uhi it pamilya dahil sa solohanon eamang nga naga panagbuhi.
Kombensido ru anang unga nga uwa it may nakitaang foul play sa pagkamatay it biktima rason nga uwa eon magpasugot nga ipa idaeom sa autopsy ag post mortem examination ru bangkay it biktima.
Samtang, nagpamalibad man ru unga it biktima nga indi eon hingadlan ru pangean.//MARIVIC Y. ILIN
