Andam ang mga pampublikong tunghaan sa dakbayan sa Mandaue nga mubalhin sa alternative learning mode kung gikinahanglan tungod sa grabeng kainit sa panahon.
Kini ang gibutyag ni Department of Education Mandaue City Division Spokesperson Atty. Marinel Oro.
Apan matud ni Oro, kinahanglan una nga muhatag ug proposal o contingency plan ang mga public school sa DepEd-Mandaue.
Una niini, nakigtagbo ang DepEd-Mandaue sa mga school heads arun ipahibawo kanila ang direktiba sa central office nga mamahimo silang mubalhin sa alternative learning mode arun maprotektahan ang mga estudyante.
Gidugang ni Oro nga sayon nalang sa mga magtutudlo ang modular distance learning gumikan kay nasinati na kini niadtong panahon sa pandemya.//
