Ginsunog eon it Bantay Karne Task Force it LGU Kalibo ro mga nakumpiskang baboy kainang agahun.
Nasayuran nga owa it permit ro nagabaligya sa Linabuan Norte ag ro daywang mga baboy nga paga-lechonon sa Brgy. Estancia pero owa nag agi sa inspection ag pagkatay sa slaughter house.
Ro nasambit nga tikang hay ginaubra it gobyerno para makalikaw ro mga alagang baboy sa ASF ag ro publiko hay salbar nga makakaun it karne it baboy.
Gin-engganyo man ro mga commercial hog raisers, backyard hog raisers, ag ro mga naga-negosyo it karne it baboy nga sumunod sa tamang proseso, kaparehu it pagbuoe it permit ag siguruhon nga ipa-inspect ro baboy agud matatakan. / ANN DESLENE SALAZAR
