Hugot karon nga nanawagan ang City Health Office sa Cagayan de Oro sa katawhan nga dili gihapon angay mag-kompiyansa bisan bakunado batok sa COVID-19.
Kini luyo sa desisyon sa World Health Organization nga tapuson na ang pagkonsidera sa COVID-19 isip global health emergency.
Sumala ni City Health Officer Dr. Rachel Dilla nga nag-depende sa immunity sa usa ka tawo kung dali ba kining mataptan sa maong virus nabakunahan man o wala.
Gidugang niini nga basi sa ilang obserbasyon, kasagaran sa mga biktima nga namatay tungod sa maong sakit, mao kadtong wala nabakunahan batok sa COVID19.
Sa karon, nagpabiling manageable ang COVID-19 situation sa syudad, luyo paman nga dunay mga panahon nga taas-ubos ang COVID-19 cases.
