MIHANGYO ang grupo sa restawrant ug bar owner sa GenSan sa LGU nga tanggalon na ang liquor ban ug curfew hour.
Sa sulat nga gipadala sa LGU sa pagpanguna ni Mike Calixto, gihangyo nila ang mayor nga sabton ang ilang panginahanglan.
Tungod daghan kanila ang wala na’y pangbayad sa renta sa building, tubig ug kuryente gumikan wala nay kita sulod sa halos usa ka bulan.
Apan base sa impormasyon sulod sa City Mayor’s Office (CMO) gibalibaran sa mayor ang maong hangyo nilang Calixto. Gitindogan sumala pa sa mayor ang desisyon niini sa pagpatuman sa maong mga restriction hangtud nga moubos ang kaso sa Covid-19.
Luyo niini, gibutyag ni Calixto nga ipadayon nila ang paghangyo sa mayor hangtud nga maaprubahan ang ilang request. Abril dihang gipadlak sa Business Permit and Licensing Division Office (BPLDO) ang pipila ka bar sa GenSan dungan sa makapila kahigayon pagsupak sa minimum health protocols. ( Richel Gubalani)
