GIAWHAG sa Department of Health (DOH) 12 ang mga eligible workers nga mopalista alang sa A4 vaccination batok Covid-19.
Matud ni Arjhon Gangoso, tigpamaba sa DOH-12 mahimong moadto sa labing duol nga Rural Health Unit (RHU) sa matag barangay aron malista. Magdala lang og dokumento sama sa company ID, contracts or permit, certificate of eligibility (employment deployment assignment) ug uban pang ‘proof’ sa trabaho ug negosyo.
Sa mga dagkong kompanya, sila ang mokuha sa listahan sa mga empleyado ug makig-alayon ngadto sa mga RHU. Ang mga gikonsidera nga A4 mao ang mga private sector employees nga rekisitos ang paggawas sa ilang balay aron motrabaho.
Sama sa empelyado sa government agencies, government corporations, ug local government units. Lakip ang informal sector workers nga self-employed nga rekisitos usab sa ilang trabaho ang paggawas sa ilang panimalay. Sa karon, wala pa nagsugod ang pagbakuna sa A4 sa rehiyon tungod giuna ang naa sa National Capital Region (NCR) plus 8. ( Richel Gubalani)
