CAMARINES NORTE- Pinag-iingat ang publiko ng Camarines Norte Anti-Cybercrime laban sa scareware
Ang scareware o panakot ay isang modos kung saan paniniwalain ang biktima na nahawaan ng virus ang kanilang computer. Karaniwan, makikita ng isang user ang scareware bilang isang pop-up na babala sa kanila na ang kanilang system ay nahawaan.
Ang taktika ng pananakot na ito ay naglalayong hikayatin ang mga tao na mag-install ng pekeng antivirus software upang alisin ang virus. Kapag na-download na ang pekeng antivirus software na ito, maaaring mahawa ng malware ang iyong computer.
Ayon sa Camarines Norte Anti-Cybercrime, kung may reklamo, katanungan, at suhestiyon ay maaring makipag-ugnayan sa kanilang official Facebook account o personal na magsadya sa kanilang tanggapan.
PHOTO FROM THE WEB
