Nadakapan ang 70-anyos nga lalaki nga nagapataya sang iligal nga STL bookies sa Barangay Poblacion, Pilar, Capiz.
Ginkilala ang akusado kay Pepito Vargas kag residente sang nasambit nga barangay.
Nakuha sa paghinakop ni Vargas ang cotejo, ballpen kag P190 nga koleksyon sa nagkalain-lain nga denominasyon.
Ginapahayag nga na-monitor sang kapulisan ang iligal nga buluhaton sang suspekgas rason nga ini ang ginpaidalum sa nasambit nga operasyon.
Sa karon, nagapabilin ini sa kustodiya sang Pilar PNP kag natalana nga pasakaan sang panumbungon nga paglapas sa Presidential Decree 1602 (Illegal Gambling) nga gin-amiendahan sa RA 9287.
