Pangungunahan ni Volleyball star Alyssa Valdez ang watawat ng Pilipinas sa opening ceremony ng 32nd Southeast Asian Games sa Cambodia sa Biyernes.
Siya ang napiling maging flag bearer ng bansa, kung saan iwawagayway niya ang bandila kasama ang female delegation sa gaganaping ng parade of nations sa Morodok Techo Stadium.
Ayon sa Philippine Olympic Committee (POC), best choice si Valdez bilang flag bearer dahil hindi lamang siya mukha ng Philippine volleyball kundi maging ng Philippine sports.
Ito na ang ikalawang pagkakataon na magiging flag-bearer si Valdez ng bansa para sa biennial event. Naatasan na siyang iwagayway ang bandila ng Pilipinas sa 2015 SEA Games sa Singapore.//CA
