Nagpatigayon sang ASF Task Force Meeting kahapon nga adlaw ang LGU Jamindan agud planohan nga mapalayo sa balatian nga African Swine Fever ang ila nga banwa.
Gintalakay sa sinapol ang Executive Order nga gindihon sa implementasyon kag paghatag sang awtoridad sang Bantay ASF sa barangay “BABay ASF” Program.
Ginpangunahan ni Mayor Mac Arthur Valdemar ang sinapol kaupod ang pila ka mga opisyales sang nasambit nga banwa.
Suno kay Valdemar, nagapasalamat siya sa ASF task force sa pagbantay sa mga check point border.
Gina-prayoridad man sini nga maprotektahan ang hog industry kay ini ang pangabuhian sang mga pumuluyo sa Jamindan.
Subong hilway sa gihapon ang nasambit nga banwa sang African Swine Fever. | Judy Ann Juare
