LEGAZPI CITY – Naitala ang 44°C na temperatura sa lunsod ng Legazpi noong Sabado, Abril 15 at itinuring bilang pinakamataas na heat index ayon sa DOST PAGASA Legazpi.
Sa datos ng ahensiya, pareho umanong nakapagtala ng 42°C sa mga lunsod ng Masbate at Zamboanga sa kapareho ring araw.
Dahil dito, nagbabala ang ahensya na posibleng tataas pa ang mararanasang heat index sa ilang rehiyon o lugar sa bansa.
Nararamdaman umano ng tao ang init dahil sa pinaghalong temperatura at humidity.
Sinabi ng tanggapan na ang pagsukat ng heat index ay nakukuha mula sa pag-aaral ng mga tela ng damit at kung paano pagpawisan ang tao.
