Agad ni-relieve sa pwesto ni Police Regional Office 3 Director PBGen Jose Hidalgo Jr. ang dalawang pulis sa Angeles city, na naaktuhan nitong busy sa cellphone habang nasa loob ng patrol car.
Sa ulat ng PRO3, napansin umano ni General Hidalgo ang nakaparadang patrol car nang mapadaan ito sa Angeles city, hinanap pa nya ang mga personnel para daw sana purihin, pero nakita nitong busy lang sa cellphone habang nasa loob ng patrol car ang dalawa.
Ni hindi rin umano sya napansin ng mga ito.
Kaya agad ni-relieve sa pwesto ang mga ito at pinaaalalahanan ang iba pang pulis na iwasang gumamit ng cellphone at matulog habang nasa duty.
