Indi luyag ni Capiz Governor Fredenil Castro nga malaktan sang lamud-pamulitika ang selebrasyon sang Capiztahan.
Sa sini nga kaangtanan, pagkatapos sang mga aktibidades sa selebrasyon sini, masunod nga hitsuon sang gobernador ang paglunsiyar sang Capiztahan Foundation.
Ang nasambit nga organisasyon ang pagabug-usan sang mga pamatan-on subong man mga negosyante nga pamunuan ni Mr. Neri Bubbles Ong.
Ini sila suno sa opisyal ang magapatigayon kag maga-implementar sang mga aktibidades sang Capiztahan sa masunod nga mga tinuig agud indi malaktan sang pamulitika sang mga politiko.
Sa sini man nga pamaagi, mahatagan sang marka ang selebrasyon nga masami nagabag-o bag-o sa tagsa ka may magpungko nga bag-o man nga mga opisyales sang gobyerno.
