ANDAM na ang kapulisan sa Soccsksargen region nga bantayan ang seguridad atol sa pag-obserba sa Mahal nga adlaw, gikan atong Bendita sa Lukay hangtud na sa adlaw sa pagkabanhaw.
Matud ni Police Brig. Gen. Jimili Macaraeg, director sa Police Regional Office (PRO)12 giinspeksyon niya ang gipatumang seguridad sa mga malls, simbahan ug terminal sa GenSan. Tumong masiguro nga luwas ang katawhan sa pag-obserba sa Mahal nga adlaw.
Mokabat usab sa halos 2,000 ka pulis ug force multiplier ang ipakatag sa tibuok rehiyon-12. Giklaro niini ang mandu sa mga personahe nga magpabiling alerto ug vigilante aron masiguro nga luwas ang publiko partikular sa mga sumasakay.
Una nang, gibutyag niini ang pagbutang og Police Assistance Desks aron gilayong mabantayan ang unsa mang panghitabo. I Richel Gubalani
