Patay ang isang dating CAA personnel matapos itong saksakin ng hindi pa nakikilalang lalaki sa Barangay Huyon-uyon, San Francisco, Quezon nitong Sabado, Abril 1.
Kinilala ang biktima na si Dario Villaflores Gimol, 47-anyos, residente ng naturang lugar.
Ayon sa report, natutulog umano noon ang biktima sa kanyang kubo nang saksakin ito ng suspek sa kaliwang balikat na nagdulot ng pinsala sa katawan ng biktima.
Isinugod pa sa hospital ang biktima para malapatan ng lunas subalit idineklara rin itong dead in arrival.
Kasalukuyan ng nagpapatuloy ang isinasagawang imbestigasyon ng awtoridad hinggil sa insidente.
