Pinangangambahan ng mga awtoridad na umabot sa Coron, Palawan ang oil spill na nagmula sa MT Princess Empress.
Sa press briefing, inihayag ng Philippine Coast Guard , na posibleng oil slick ang nakita humigit-kumulang 6.5 nautical miles sa silangan ng Coron gaya ng ipinapakita sa pagsusuri ng satellite images mula sa US National Oceanic and Atmospheric Administration.
Naglabas din ng detalyadong mapa ang Philippine Space Agency batay sa satellite imagery mula sa ahensya at NOAA na nagpapakita ng posibleng pagkakaroon ng oil spill sa Coron.
Ang mga larawan ay kinuha sa iba’t ibang petsa mula Marso 26 hanggang Abril 2.
Ipinag-aalala na ngayon ng PCG sa posibleng epekto ng oil spill sa Coron.//CA
