Nagdumara hin inspeksyon hi DILG Provincial Director Judy Batulan ha kahuhuman pala nga Farm-to-Market Road ha Villareal, Samar.
Ginbisita hini an Farm-to-Market Road tikang ha Brgy. Lam-awan tubtob Brgy. Plaridel pakadto ha Brgy. Polangi.
Sumala kan Director Batulan, nga makakabulig ini ha mga estudyante agud deri an mga ini makurian ha pag-agi ha kinada-adlaw nga pagbabaktas tipakadto ha eskwelahan ngan pag-uli ha tagsa panimalay.
An nasabi nga inspeksyon in kaparte han mandato han DILG nga tutukan kun maupay ba an implementasyon han mga proyekto han LGU ha mga bungto.
Mababaruan, nga maabot P11 Million peso an pondo nga gin-alotaga han gobyerno ha mao nga proyektong ha ilarom han Local Government Support Fund-Financial Assistance to LGU nga ginlalauman magbebenipisyo ha maabot 2,395 residente han Brgy. Plaridel ngan mga kahagrani nga mga barangays.
