Nakatakdang maghain ng resolusyon si Senate Majority Leader Joel Villanueva na kumukondena sa magkakasunod na pagpaslang sa ilang opisyal at empleyado ng gobyerno.
Ayon kay Senate Majority Leader Joel Villanueva, labing apat pa sa kanyang kasamahan ang lumagda na sa resolusyon na pormal niyang ihahain ngayong araw.
Hinimok din ng mga senador ang Philippine National Police at iba pang mga law enforcement agencies na gawin ang lahat ng magagawa para mahuli ang mga salarin at mabigyan ng hustiya ang pagkamatay ng gobernador.
Samantala, binigyang diin ni Villanueva at Poe na dapat matigil na ang walang habas na pag-atake sa mga lokal na opisyal at mga sibilyan.
