Arestado ang isa ka tigulang matapos nga ginserbihan sang warrant of arrest sa kaso nga Frustrated Murder sa Barangay Olalo, Pilar, Capiz.
Ginkilala ang akusado kay Edito Estipano, 72-anyos residente sang Barangay Dulangan sa nasambit nga banwa.
Ang mandamiento de aresto ang gin-isyu kag ginpermahan ni Honorable Nilo M. Sarsaba, Presiding Judge sang RTC, 6th Judicial Region, Branch 56, Himamaylan City kag napetsahan sang Hunyo 15, 2015.
Ginrekomendar sang korte ang piyansa nga nagabalor sang P200,000 para sa temporaryo sini nga kahilwayan.
Sa karun, nakahunong sa karsel sang Pilar MPS si Estipano para sa nagakaigo nga disposisyon kag natalana nga iturn-over sa iya court of origin.//KMD Gicalde
