TAKDANG makig-istorya si Mayor Lorelie Pacquiao sa Badjao community aron nga ipasabot ang proyekto nga pabalay sa gobyerno.
Dungan niini paminawon usab ang suhestisyon sa mga residente sa lugar, human usab sa pagsupak sa mga Badjao nga matukuran og pabalay tungod dili matud pa haum alang kanila.
Una nang nakigtagbo si Department of Human Settlements and Urban Development kun DHSUD head Regional Director Jennifer Bretaña sa mayor.
Lakip gituki ang issues, concerns, and suggestions sa Badjao people kalabot sa construction plan sa Badjao Maginhawa Village sa Barangay Bawing.
Samtang sa Pebrero 20 makigtagbo si Mayor Pacquiao kang DHSUD USec. Samuel Young aron hugtanong mahisgutan ang mga lakang sa construction sa Badjao Maginhawa Village.
Anaa usab sa maong meeting si CHLMO Department Head Engr. Ronald Nuñeza, CSWD Department Head Genelene Vidanes, ug Kapitan Rey Benitez, sa Brgy. Bawing.
