Nasawi ang isang nakaratay na lola matapos sumiklab ang isang sunog sa Barangay Tagbakin, Atimonan, Quezon nitong Huwebes, Enero 26.
Ayon sa report, bandang alas 8:50 ng gabi, mag-isa umano ang biktima na kinilalang si “Wendilena”, 85-anyos, nang sumiklab ang naturang sunog sa kanyang tahanan na gawa umano sa mga light materials.
Sa tulong ng mga residente sa naturang lugar at ng Bureau of Fire Protection – Atimonan, dakong alas 9:30 ng gabi ay idineklara ng under control ang naturang apoy ngunit wala ng buhay at nasunog na nang matagpuan ang biktima.
Sa imbestigasyon ng awtoridad, humigit kumulang ₱1,560,000 ang napinsala sa naturang sunog.
Kasalukuyan pang nagpapatuloy ang isinasagawang imbestigasyon ng awtoridad para matukoy ang sanhi ng naturang sunog.
